Unang una nais kong ilagay sa panulat ang mga katuruan ng aking Lolo. Mula ng ako ay bata pa, napakaraming mga impormasyon ang ibinigay nya sa akin tungkol sa aspeto ng mga sinaunang kaalaman. Isa sa mga lagi nyang ipinakikintil sa akin ay ang paghahanda sa pag-aaral ng mga bagay na tinatawag niyang "Kalalake".
Anu-ano ba ang mga bagay na magiging kalaban ng mga taong nagnanais na matuto sa aspeto ng "Kalalake"?
1. Hadok ( Fear ): Ang isang mag-aaral ng mga Sinauang Kaalaman ay dapat magtaglay ng katapangan.Maraming pagsubok na iyong susuungin upang makamtan mo ang nais mong maabot. Pagpasok sa kuweba, pagdaan sa gubat, pagpasok ng kamay sa isang maliit na butas sa loob ng kweba, pagluhod na nakaharap sa umaagos na tubig sa itaas ng talon. Ilan lang ito sa mga maaaring makaharap ng mga taong nagnanais na matuto ng mga Lihim na Karunungan. Isipin lang ninyo ang mga bagay na maaaring magpakaba o magpatakot sa inyo. Yan ay mga pagsubok na iyong haharapin. Ika nga sa Ingles, "No pain, No gain" . Kaya mo ba?
2. Liya ( Noise ): Ang isang mag-aaral ng Lihim na karunungan ay dapat matutong manahimik at tumahimik sa mga bagay na may kaugnayan sa Lihim na Karunungan dahil ang katahimikan ay kapangyarihan. Posibleng pareho kayo ng orasyon ngunit sa bisa o pagtalab ng orasyon magkaiba ang resulta.Dahilan? Posibleng ang isang nagtatangan ay tahimik, masikreto, malihim, misteryoso, at may paggalang sa orasyon. Ngunit ang isan naman ay parang isang loro na halos lahat ng tao sa buong barrio o sa buong bayan ay nakaka-alam ng lahat ng kanyang ginagawa at parang isang baliw na namimigay ng orasyon na sya mismo ay di kayang patalabin.Sa inyong palagay sino ang may taglay na kaalaman. Silence is power!
3. Hambog ( Boastful )Ang isang taong nagtataglay ng isang matinding kaalaman ay dapat mapagpasensya at hindi mayabang. Minsan, kahit ikaw ay matapang at tahimik, may mga pagkakataon na dahil sa taglay mong kaalaman ay gusto mong maka isa sa iyong kapwa. Ginagamit mo ang kaalaman mo upang makalamang sa iba. Tandaan ang konsepto ng KARMA! In every action, there is a corresponding reaction. The Law of Cause and Effect is here and there whether you believe it or not!
Kaya ba ninyong talunin ang 3 ito? Kaya ba ninyong labanan ang takot, kadaldalan, at kayabangan? Posibleng sa una ay oo, ngunit ang ikalawa at ikatlo kaya mo ba? Pagnilayan ninyo ang aking sinabi.Maraming salamat!
hi! i came across you site due to my search of someone who could help me.. i may not be someone like you who have an opportunity to have this kind of knowledge.. but all i can say that this kind of knowledge may require more reponsibilities and going through this is really a challenge.. i understand why you can't fully submit yourself in learning everything that your grandfather has left you.. i'll look forward for the day you'll learn everything that your grandfather left you.. i'll follow your blogs and see your developments in your learnings..
ReplyDelete